Konsta

Konsta (Abdullayev Sharifjon Shokir o‘g‘li) 1992-yil, 9-sentabr kuni Sirdaryo shahrida tug‘ilgan o‘zbekistonlik reper. O‘z faoliyati davomida ijtimoiy muammolarni ko‘tarishi tufayli keng ommaga tanilgan.

Havaskorlik darajasida hip-hop bilan 22 yoshida shug‘ullanishni boshlab, keyinchalik, professional sahnaga chiqqan. Bugungi kunda Konsta yuzlab o‘ziga xos treklar hamda o‘nlab original kliplar muallifi hisoblanadi.

Reper hozirgacha uchta albom chiqarishga ulgurgan. Bular «Alhimik», «Biz Yo‘q Joyda» hamda «Kulrang» — albomdagi aksariyat treklar xalqaro striming platformalarida (Apple Music, Spotify, Yandex Music) chartlarning TOP o‘rinlarini egallagan.

Konsta ayniqsa yoshlar orasida mashhur — uning muhim va nozik mavzularga bag‘ishlangan ijodi borgan sari ko‘proq auditoriyani rom etib kelmoqda.